ડુંગળીનું સેવન માત્ર ખાદ્યપદાર્થોનો સ્વાદ વધારતો જ નથી, પરંતુ તમારી સ્વાસ્થ્ય સંબંધિત અનેક સમસ્યાઓ દૂર કરવા માટે પણ કામ કરે છે. ડુંગળીમાં વિટામિન એ, બી 6, બી-કોમ્પ્લેક્સ, વિટામિન સી, આયર્ન, ફોલેટ અને પોટેશિયમ જેવા ખનીજો જોવા મળે છે. એટલું જ નહીં, ડુંગળીને સલ્ફ્યુરિક સંયોજનો અને ફ્લેવોનોઇડ્સનો ખજાનો માનવામાં આવે છે. જે વ્યક્તિના સ્વાસ્થ્યને અનેક રીતે ફાયદો પહોંચાડવાનું કામ કરે છે. ચાલો આપણે જાણીએ ડુંગળીનું સેવન કરવાના આવા કેટલાક આશ્ચર્યજનક આરોગ્ય લાભો.
ડુંગળીના ફાયદા
જો તમે વાળ ખરતા કે પાતળા થવાથી પરેશાન છો, તો ડુંગળી તમારી સમસ્યાને ઘણી હદ સુધી ઘટાડી શકે છે. કાચી ડુંગળીનો રસ માથાની ચામડી પર લગાવવાથી વાળ લાંબા અને જાડા થાય છે.
કાચી ડુંગળી ખાવાથી ઉનાળામાં હીટસ્ટ્રોક થતો નથી. જો કોઈને હીટ સ્ટ્રોક આવે છે, તો પછી ડુંગળીનો રસ પીવાથી અથવા તેને તેલ થી માલિશ કરવાથી રાહત મળે છે.
કેન્સર જેવી ખતરનાક બીમારીથી બચવા માટે રોજ કાચી ડુંગળીનું સેવન કરવું જોઈએ તેમાં રહેલું સલ્ફર શરીરમાં રહેલા કેન્સરના સેલ્સ ને ખતમ કરવા માટે મદદરૂપ થાય છે.
કાંદાના રસના થોડાક ટીપા કાનમાં નાખવાથી કાનના દુખાવામાં રાહત મળે છે. જો વધુ દુખાવો થાય તો કાપડની મદદથી ડુંગળીના રસના થોડા ટીપા કાનમાં નાખવાથી ફાયદો થાય છે.
ડુંગળી ખાવાથી ગેસ્ટ્રિક સિંડ્રોમ અને કબજિયાતમાં પણ ફાયદાકારક છે. ડુંગળીમાં રહેલું ફાઈબર પેટ સાફ કરવાનું કામ કરે છે.
ખરાબ ખાણીપીણી અને અનહેલ્ધી લાઈફ સ્ટાઈલને કારણે ખાસ કરીને લોકો કિડની સ્ટોનની સમસ્યાથી પીડાય છે જેની માટે એવા લોકોએ દરરોજ ડુંગળીનો બે ચમચી રસ પીવો જોઇએ. જેનાથી કિડનીની સમસ્યામાં રાહત મળે છે.
શરદી તાવ અને કફમાં પણ ડુંગળી ખૂબ જ મદદરૂપ સાબિત થાય છે. તેમાં તમારે કાચી ડુંગળી નો રસ બનાવીને પીવો જોઈએ. તમે ડુંગળીના રસમાં ગોળ અથવા તો ખાંડ નાખીને પણ પી શકો છો.
ડુંગળી માત્ર વાળ માટે જ નહીં ત્વચા માટે પણ ખૂબ ફાયદાકારક માનવામાં આવે છે. ઓલિવ ઓઇલ સાથે ડુંગળી નો રસ મિક્સ કરીને ચહેરા પર લગાવવાથી પિમ્પલ્સથી રાહત મળે છે.
ડુંગળી શરીરમાં રોગપ્રતિકારક શક્તિ વધારવાનું કામ પણ કરે છે. તેમાં ફોસ્ફરસ, મેગ્નેશિયમ, પોટેશિયમ અને વિટામિન-સી જેવા ગુણધર્મો છે, જે શરીરને સ્વસ્થ બનાવે છે, સાથે સાથે રોગ પ્રતિકારક શક્તિ વધારવામાં પણ મદદ કરે છે.
ડુંગળીમાં સલ્ફર સંયોજનો હોય છે જે બ્લડ સુગરનું જોખમ ઘટાડે છે. જો કોઈને હાઈ બ્લડ પ્રેશરની સમસ્યા હોય તો કાચી ડુંગળીનું સેવન કરવું જોઈએ. મેરીલેન્ડ યુનિવર્સિટીના મેડિકલ સેન્ટર અનુસાર કાચી ડુંગળીનું સેવન કરવાથી બ્લડપ્રેશર ઓછું કરવામાં પણ મદદ મળે છે.
ડુંગળીનું સેવન કરવાથી પુરુષોની ફળદ્રુપતા વધી શકે છે. આ અંગે વૈજ્ઞાનિકોએ એક સંશોધન કર્યું છે.આ સંશોધન એનસીબીઆઈ (બાયોટેકનોલોજી માહિતી માટે રાષ્ટ્રીય કેન્દ્ર) ની સાઇટ પર પ્રકાશિત થયું છે. આ સંશોધન પત્રમાં સ્પષ્ટપણે કહેવામાં આવ્યું છે કે ડુંગળી અથવા ડુંગળીના અર્કનો ઉપયોગ પુરુષોમાં ટેસ્ટોસ્ટેરોન હોર્મોનનું સ્તર સુધારી શકે છે. પુરુષોની પ્રજનન શક્તિ માટે આ હોર્મોનનું સંતુલન જરૂરી છે.
આ સલાહ તમને ફક્ત સામાન્ય માહિતી પ્રદાન કરવા માટે આપવામાં આવી છે. કંઈપણ વપરાશ કરતા પહેલા તમારે તમારા ડોક્ટર અથવા નિષ્ણાતની સલાહ લેવી જ જોઇએ.
જો તમને આ માહિતી સારી લાગી હોય તો અમને કમેન્ટ સેકશન માં જરૂર જણાવજો.. આવી અવનવી માહિતી જાણવા માટે અમારું પેજ “ફક્ત ગુજરાતી” લાઈક કરો અને તમારા મિત્રો તથા સગા સંબંધીઓ સાથે શેર જરૂર કરવું.
નોંધ : આ લખાણ ની કોપી કરતા પહેલા અમારી લેખિત મંજૂરી લેવી જરૂરી છે.
Author: FaktGujarati Team