પરસેવો અન્ય દ્રવ્યોની જેમ તમારા શરીરની સિસ્ટમને યોગ્ય રીતે ચલાવવા માટેનું એક જરૂરી દ્રવ્ય છે. પરંતુ તેમાં ઉણપ અને વધૂતા કેટલીક વસ્તુઓનો સંકેત આપે છે.
ગરમી અને વરસાદની ઋતુમાં જ્યારે આખા શરીરમાં પરસેવો વળવા લાગે છે, ત્યારે કોઈને પણ ઇરિટેશન થઈ શકે છે. પરસેવો તેમની સાથે ફક્ત દુર્ગંધ જ નહિ, પરંતુ ત્વચા સબંધી સમસ્યાઓ પણ લઈને આવે છે. પરંતુ શું તમે જાણો છો કે આ પરસેવો તમારા સ્વાસ્થ્યનું પણ ધ્યાન રાખે છે! પરંતુ સાચું તે છે કે પરસેવો તમારા શરીરની કુદરતી સિસ્ટમ છે, જે તેને સ્વસ્થ બનાવી રાખવામાં મદદ કરે છે. તો ચાલો જાણીએ પરસેવો અને તમારા સ્વાસ્થ્યનો સંબંધ.
તમારા સ્વાસ્થ્યને જાળવી રાખવા માટે પરસેવો ખૂબ જ જરૂરી છે. બદલાતા વાતાવરણ અને ગ્લોબલ વોર્મિંગને કારણે વધતા તાપમાનને કારણે શરીર ખૂબ જ ઝડપથી ગરમ થાય છે. અતિશય ગરમી તમારા શરીરને નુકસાન પહોંચાડી શકે છે. તે વિવિધ પ્રકારના સ્વાસ્થ્ય જોખમોનું કારણ બની શકે છે. આવી સ્થિતિમાં, પરસેવો ખૂબ જ મહત્વપૂર્ણ છે. તે શરીરમાંથી ગરમી બહાર કાઢે છે અને ત્વચાને ઠંડક આપે છે.
ઘણા લોકોને પરસેવો ખૂબ જ અસ્વસ્થ લાગે છે. પરંતુ તમને જણાવી દઈએ કે શરીરની બાકીની જરૂરિયાતોની જેમ પરસેવો પણ સ્વાસ્થ્ય જાળવવા માટે ખૂબ જ જરૂરી છે. જો કે, વધુ પડતો અથવા ખૂબ ઓછો પરસેવો પણ નુકસાનકારક થઈ શકે છે. તો ચાલો જાણીએ પરસેવાથી સંબંધિત કેટલાક મહત્વપૂર્ણ બાબતો.
પહેલા જાણો પરસેવો કેમ આવે છે?
પરસેવો આવવાથી આપણા શરીરના તાપમાનનું નિયમન થતું રહે છે. ગ્રંથીઓમાંથી પાણી ત્વચામાંથી બહાર આવે છે અને બાષ્પીભવન થાય છે. જેના કારણે શરીરને ઠંડક મળે છે. તેમજ કસરત દરમિયાન સ્નાયુઓ ખૂબ ગરમ હોય છે, જેના કારણે શરીરને વધુ પરસેવો જોઈએ છે. પરસેવોનું મુખ્ય કાર્ય શરીરને ઠંડક આપવાનું છે.
જો પરસેવો ન આવે તો શરીરમાં ખૂબ વધારે ગરમી થશે અને ઘણા પ્રકારનું સ્વાસ્થ્ય જોખમ થઈ શકે છે. મોટાભાગની સ્થિતિઓમાં પરસેવો આવવો સ્વસ્થ હોય છે. પરંતુ ક્યારેક ક્યારેક ઘણી પ્રવ્રુત્તિ ઓના કારણે પરસેવો આવવો જોખમી થઈ શકે છે.
1. વર્કઆઉટમાં પરસેવો ફાયદાકારક છે
કસરત કરતી વખતે સેટિંગ થવું સ્વસ્થ હોય છે કેમકે તે દરમિયાન મસલ્સ ગરમ હોય છે અને શરીરને ઠંડક જોઈએ છે. આવી સ્થિતિમાં પરસેવો આવવાથી ગરમી થતી રહે છે. કસરત કરતી વખતે જ્યારે તમને પરસેવો આવે છે, તો તેનાથી તમને નીચેના ફાયદા મળે છે –
- એનર્જી બુસ્ટ થાય છે.
- સ્વસ્થ વજન જળવાઈ રહે છે.
- ઘણા પ્રકારના સ્વાસ્થ્ય જોખમ સામે લડવામાં મદદ મળે છે.
- મૂડ સારો કરવામાં મદદ કરે છે.
- સારી ઉંઘ માટે પણ જરૂરી છે.
2. શરીરમાંથી ભારે મેટલ્સને ડીટોક્સ કરે છે
શરીરને ડિટોક્સ કરવાની ઘણી અલગ અલગ રીતો છે. પરંતુ કુદરતી ડિટોકસિફીકેશન તરીકે પરસેવો વધુ અસરકારક છે. પબમેડ સેન્ટ્રલ દ્વારા કરવામાં આવેલા 2016ના અભ્યાસ મુજબ, જે લોકો નિયમિતપણે કસરત કરે છે અને પૂરતો પરસેવો કરે છે તેમના શરીરમાં ભારે ધાતુઓનું સ્તર નોંધપાત્ર રીતે ઓછું હોય છે. પેશાબ અને પરસેવો એ શરીરની ભારે ધાતુઓને મુક્ત કરવાના બે જ રસ્તા છે.
3. હાનિકારક બેક્ટેરિયાને બહાર કાઢે છે
ઓક્સફર્ડ એકેડેમી ઓફ ગ્લાયકોબાયોલોજીના 2015ના અભ્યાસ મુજબ, પરસેવો શરીરમાંથી હાનિકારક બેક્ટેરિયાને બહાર કાઢવામાં મદદ કરે છે. તેની સાથે ત્વચામાંથી ગંદકી પણ નીકળી જાય છે અને તમારી ત્વચાની ચમક બની રહે છે.
પરસેવો ક્યારે ચિંતાજનક હોઈ શકે છે?
જો તમે શરીરની ગરમીને નિયંત્રિત કરવા માટે વધુ પડતો પરસેવો થાય છે, તો તેને હાઇપરહિડ્રોસિસ કહેવામાં આવે છે. આ સમસ્યા ઘણા કારણોસર થઈ શકે છે. જેમકે ઓછું બ્લડ શુગર લેવલ, નર્વસ સિસ્ટમ અને થાઈરોઈડ ડિસઓર્ડર. કેટલીકવાર વધુ પડતો પરસેવો સ્વાસ્થ્ય માટે ગંભીર જોખમોનું કારણ બની શકે છે. આવી સ્થિતિમાં જો છાતીમાં દુખાવો, પરસેવાની સાથે ગભરાટ અને ચક્કર આવવા જેવી સમસ્યા હોય તો તરત જ ડોક્ટરની સલાહ લો.
ખૂબ ઓછો પરસેવો પણ એક સમસ્યા છે
જો તમને ખૂબ જ ઓછો પરસેવો થતો હોય, તો આ સ્થિતિને એનહિડ્રોસિસ કહેવામાં આવે છે. એનહિડ્રોસિસમાં શરીર વધુ ગરમ થાય છે અને સ્વાસ્થ્યને ગંભીર અસર થઈ શકે છે. આ સમસ્યા મોટાભાગે ડિહાઇડ્રેશન, બર્નિંગ અને સ્કિન ડિસઓર્ડર્સને કારણે થાય છે.
જો તમને આ માહિતી સારી લાગી હોય તો અમને કમેન્ટ સેકશન માં જરૂર જણાવજો.. આવી અવનવી માહિતી જાણવા માટે અમારું પેજ “ફક્ત ગુજરાતી” લાઈક કરો અને તમારા મિત્રો તથા સગા સંબંધીઓ સાથે શેર જરૂર કરવું.
નોંધ : આ લખાણ ની કોપી કરતા પહેલા અમારી લેખિત મંજૂરી લેવી જરૂરી છે.
Author: FaktGujarati Team