🌄ગરમીમાં શરીરના આ 3 અંગોની રોજ નિયમિત સફાઈ કરવાથી, ક્યારેય નહિ થાય ઇન્ફેક્શન

ગરમીની ઋતુમાં વધુ પડતો પરસેવો થવાથી ત્વચા પર બેકટેરિયા થવા લાગે છે. આ ઋતુમાં શરીરના અમુક અંગો ની સાફ સફાઈનું ધ્યાન રાખવું ખૂબ જ જરૂરી બને છે. જો એ ધ્યાન રાખવામાં ન આવે તો સ્કિન ઇન્ફેક્શન, દુર્ગંધ,રેસિસ જેવી સમસ્યાઓ શરૂ થાય છે. ગરમી ની ઋતુમાં રોજ નિયમિત સ્નાન કરવું જોઈએ.

નિયમિત કપડાં અને મોજા બદલવા જોઈએ. પોતાના શરીરને સાફ રાખવાથી ઘણી બધી બીમારીઓ સામે રક્ષણ મળે છે. એવું જરૂરી નથી કે રોજ બેથી ત્રણ વાર સ્નાન કરવું કારણ કે વધુ સ્નાન કરવાથી પણ ત્વચા પર રહેલા હેલ્ધી બેક્ટેરિયા ધોવાઈ જાય છે, ઉપરાંત ત્વચા પણ ડ્રાય થઈ જાય છે. તમારે ફક્ત એટલું જ ધ્યાન રાખવું જરૂરી છે કે શરીરના અમુક ભાગ ની નિયમિત સફાઈ કરવી જોઈએ તો ચાલો શરીર ના એ ભાગ વિશે જાણીએ.

અંડરઆર્મ્સ ની સાફ સફાઈ –

જો તમે કોઈ પણ કારણસર સ્નાન ન કરી શકતા હોવ તો આર્મપીટ્સ ને સાફ કરવાનું ભૂલવું જોઈએ નહીં. ત્યાં વધુ પરસેવો થતો હોય છે, માટે સફાઈ રાખવી જરૂરી છે. સફાઈ ન રાખવાથી બેક્ટેરિયા વધે છે, અને દુર્ગંધ પણ આવે છે. ઉપરાંત આર્મ પીટ્સ ના વાળની સફાઈ પણ કરવી જોઈએ. જો આ ભાગને સાફ રાખવામાં ન આવે તો ખંજવાળ, દુર્ગંધ, બળતરા, ઇરિટેશન જેવી અનેક સમસ્યાઓ થઈ શકે છે. સાબુ વડે શરીરના આ ભાગની સફાઇ કરવી જોઇએ. જ્યારે વધુ પરસેવો થાય ત્યારે ટોવેલને ભીનો કરીને એનાથી ત્વચાને સાફ કરી શકાય છે.

પગની સ્વચ્છતા –

ઉનાળાની ઋતુમાં પગની ત્વચા ની સફાઈ પણ ખુબ જરૂરી છે. મોટાભાગે લોકો ઘરની બહાર રહેતા હોય છે. આખો દિવસ સેન્ડલ મોજા અને જુતા માં પગ રહેવાના કારણે ભેજ થવાને કારણે બેક્ટેરિયા વધતા રહે છે. ઉનાળામાં બે ત્રણ દિવસ સુધી એક જ સ્ટોકિંગ પહેરવા જોઈએ નહીં. થોડા સમય માટે પગને હૂંફાળા મીઠા પાણીમાં રાખી ને સાફ કરવા એનાથી તળિયા અને પગનો દુખાવો અને સોજો પણ દૂર થાય છે. ઉપરાંત ત્વચાના મૃત કોષ પણ દૂર થાય છે.

પ્રાઇવેટ પાર્ટ્સની સફાઇને અવગણવી જોઈએ નહીં –

સ્ત્રી હોય કે પુરુષ તમારે પ્રાઈવેટ પાર્ટની સફાઈ કરવાનું ભૂલવું જોઈએ નહીં. ટોયલેટ જાવ ત્યારે પ્રાઈવેટ પાર્ટની સારી રીતે સફાઈ કરવી. જો તમે બે ત્રણ દિવસ સુધી એક જ અંડરગારમેન્ટ પહેરતા હોવ તો ખરાબ બેક્ટેરિયા વધવાની શક્યતા વધી જાય છે, વાળ હોય તો સફાઇ કરવામાં ન આવે તો હાનિકારક બેક્ટેરિયા વધી જાય છે. જેને કારણે નુકસાનકારક બેક્ટેરિયા ઇન્ફેકશન, ખંજવાળ, દુર્ગંધ, ચકામાં જેવી સમસ્યાઓ ઊભી થાય છે, માટે પ્રાઈવેટ પાર્ટની હૂંફાળા પાણીથી દિવસમાં બેથી ત્રણ વાર સફાઈ કરવી જોઈએ.

જો તમને આ માહિતી સારી લાગી હોય તો અમને કમેન્ટ સેકશન માં જરૂર જણાવજો.. આવી અવનવી માહિતી જાણવા માટે અમારું પેજ “ફક્ત ગુજરાતી” લાઈક કરો અને તમારા મિત્રો તથા સગા સંબંધીઓ સાથે શેર જરૂર કરવું.

નોંધ : આ લખાણ ની કોપી કરતા પહેલા અમારી લેખિત મંજૂરી લેવી જરૂરી છે.

Author: FaktGujarati Team