👉જાણો, એક એવા જ્યોતિર્લિંગ વિશે જ્યાં અમાસના દિવસે ભગવાન શિવ અને પૂનમના દિવસે માતા પાર્વતી સ્વયં પ્રગટ થાય છે

મલ્લિકાર્જુન જ્યોતિર્લિંગ આન્ધ્રપ્રદેશમા કૃષ્ણા નદીના કિનારે શ્રી શૈલ પર્વત પર આવેલું છે. તેને દક્ષિણનું કૈલાશ પણ કહેવામાં આવે છે. બાર જ્યોતિર્લિંગોમાંનું એક આ જ્યોતિર્લિંગનાં માત્ર દર્શનથી ભક્તો ના દરેક પાપ નષ્ટ થાય છે.

શિવપુરાણની માન્યતા મુજબ, મલ્લિકાર્જુન જ્યોતિર્લિંગ ભગવાન શિવ અને માતા પાર્વતી બન્ને વાસ કરે છે. મંદિરની નજીક માતા જગદંબા નું મંદિર પણ છે જે 51 શક્તિપીઠોમાંથી એક છે. અહીં માતા પાર્વતી બ્રહ્મરાંબિકાના નામે ઓળખાય છે. એવું કહેવામાં આવે છે કે અહીં માતા સતીની ગરદન પડી હતી. શ્રાવણ મહિનામાં અહીં ભક્તોની ભારે ભીડ જોવા મળે છે.

Image Source

•મલ્લિકાર્જુન જ્યોતિર્લિંગ ની પૌરાણિક કથા – શિવપુરાણની કથા મુજબ, ગણેશજી અને કાર્તિકેયજીના લગ્ન બાબતે વાત થઈ રહી હતી. ત્યારે થયું એવું કે પહેલા કોના લગ્ન કરાવવામાં આવે?? ત્યારે આવી સ્થિતિમાં ભગવાન શિવ અને માતા પાર્વતીએ કહ્યું કે સૌથી પહેલા પૃથ્વીની પરિક્રમા કરીને આવે તેના લગ્ન પહેલા કરવામાં આવશે. કાર્તિકેયજી પોતાનું વાહન લઇને પૃથ્વીની પરિક્રમા કરવા નીકળી પડ્યા અને ગણેશજી ખૂબ જ ચતુર બુદ્ધિવાળા હતા. તેમણે પૃથ્વીની પરિક્રમા ન કરવાને બદલે માતા પાર્વતી અને ભગવાન શિવની સાત પરિક્રમા કરી. ત્યારે માતા પાર્વતી અને ભગવાન શિવ ખૂબ જ પ્રસન્ન થયા અને તેમના લગ્ન રિદ્ધિ અને સિદ્ધિ સાથે કરાવ્યા. ત્યારબાદ જ્યારે કાર્તિકેય પૃથ્વીની પરિક્રમા કરીને પાછા ફર્યા ત્યારે આ બધું જોઈને ખૂબ જ ગુસ્સે થઈ ગયા અને ક્રોંચ પર્વત ઉપર જતા રહ્યા. પુત્રને મનાવવા માટે માતા પાર્વતી ત્યાં પહોંચ્યા, ત્યારે ભગવાન શિવ પણ દિવ્ય શિવલિંગ રૂપે ત્યાં પ્રગટ થયા અને ત્યારથી જ આ અર્જુન જ્યોતિર્લિંગ રૂપે પ્રખ્યાત થયું. આ ઉપરાંત પણ બીજી કેટલીક કથાઓ આ મંદિર વિશે કહેવાય છે. માન્યતા છે કે ભગવાન શિવ અમાસને દિવસે અને માતા પાર્વતી પૂનમના દિવસે સ્વયં આવી છે.

Image Source

•દર્શન માત્રથી મળે છે અશ્વમેઘ યજ્ઞ કર્યો જેટલું ફળ – હિન્દુ ધર્મના ઘણા ગ્રંથો માં આ જ્યોતિર્લિંગ ની મહિમાના વખાણ કરવામાં આવ્યા છે. મહાભારત મુજબ, મલ્લિકાર્જુન જ્યોતિર્લિંગ ના દર્શન માત્રથી અશ્વમેધ યજ્ઞ કર્યો જેટલું ફળ પ્રાપ્ત થાય છે. અહી દર્શન કરવાથી ભક્તોના દરેક પ્રકારનાં દુઃખ દૂર થાય છે અને તેમને અનંત સુખની પ્રાપ્તિ થાય છે.

•ગાઢ જંગલોમાંથી પસાર થાય છે રસ્તો – મલ્લિકાર્જુન જ્યોતિર્લિંગ સુધી પહોંચવા માટે ગાઢ જંગલો માંથી પસાર થવું પડે છે. ગાઢ જંગલોને લગભગ 40 કિલોમીટરનો આ રસ્તો સાંજે છ વાગ્યે બંધ કરવામાં આવે છે અને પછી સવારે છ વાગે ખોલવામાં આવે. મંદિરના રસ્તામાં જ તમને શ્રી શૈલમ ડેમ પણ જોવા મળશે, જેનું દ્રશ્ય ખુબ જ સુંદર હોય છે. શ્રાવણ મહિનામાં પ્રવાસીઓની અહીં ભારે ભીડ જોવા મળે છે.

Image Source

•મંદિરમાં પ્રવેશ કરવાનો સમય – મંદિરના દ્વાર સવારે 5 વાગ્યાથી લઈને રાતના 10 વાગ્યા સુધી ખુલા રહે છે. લગભગ 3 થી 4 ની વચ્ચે એક કલાક મંદિર બંધ કરવામાં આવે છે અને સાંજની આરતી પછી ભક્તો માટે મંદિર પરિસર ખોલી નાખવામાં આવે છે.

•અહી આવવાનો યોગ્ય સમય અને રહેવાની વ્યવસ્થા – મંદિરમાં દર્શન તો વર્ષ દરમિયાન કરી શકાય છે પરંતુ ઓક્ટોબરથી લઈને ફેબ્રુઆરી સુધીનો મહિનો ઉતમ માનવામાં આવે છે. ખરેખર અહી ગરમી ખૂબ વધારે પડે છે. આ ઉપરાંત અહી શ્રાવણ મહિનામાં બાબાના દર્શન કરવા ખૂબ જ સુખદાયી માનવામાં આવે છે. શ્રાવણ મહિનામાં અહિ મેળાનું આયોજન પણ કરવામાં આવે છે. તેમજ, રહેવા માટે અહી દરેક હોટેલો છે જ્યાં દર્શનાર્થી રોકાય શકે છે. અહી નોન એસી રૂમ આશરે 700 રૂપિયામાં અને એસી રૂમ આશરે 1200 રૂપિયામાં મળી જાય છે.

Image Source

•મલ્લિકાર્જુન જ્યોતિર્લિંગ કેવી રીતે પહોંચવું – આ મંદિર સુધી પહોંચવા માટે સૌપ્રથમ તમારે હૈદરાબાદ આવવું પડશે. ત્યારબાદ તમે અહી બસ દ્વારા મંદિરના પરિસર સુધી પહોંચી શકો છો. આ ઉપરાંત તમે તમારા નજીકના સાધનો અને પ્રાઈવેટ વાહનોનો પણ ઉપયોગ કરી શકો છો. અહીંની નજીકનું હવાઈમથક હૈદરાબાદમાં આવેલું રાજીવ ગાંધી ઇન્ટરનેશનલ એરપોર્ટ છે જે અહીંથી લગભગ 150 કિમીના અંતરે આવેલું છે. તેમજ અહીં નજીકનો રેલવે માર્ગ હૈદરાબાદ આવેલો સિકંદરાબાદ રેલ્વે સ્ટેશન છે.

જો તમને આ માહિતી સારી લાગી હોય તો અમને કમેન્ટ સેકશન માં જરૂર જણાવજો.. આવી અવનવી માહિતી જાણવા માટે અમારું પેજ “ફક્ત ગુજરાતી” લાઈક કરો અને તમારા મિત્રો તથા સગા સંબંધીઓ સાથે શેર જરૂર કરવું.

નોંધ : આ લખાણ ની કોપી કરતા પહેલા અમારી લેખિત મંજૂરી લેવી જરૂરી છે.

Author: FaktGujarati Team