રેસ્ટોરન્ટમાં ટમેટાનો સૂપની મજા માણી હશે. પણ રેસ્ટોરન્ટના સૂપથી પણ બેસ્ટ સૂપ બનાવવું હોય તો આ રહી સિક્રેટ રેસીપી, જેનાથી સૂપને જબરદસ્ત ટેસ્ટી બનાવી શકાય છે. જો તમે આ આર્ટીકલને અંત સુધી વાંચીને જણાવ્યા મુજબ ટમેટાનું સૂપ બનાવશો તો રેસ્ટોરન્ટમાંથી ઓર્ડર કરવાનું ભૂલી જશો.
સામગ્રી :
- ૧ કિલો ટમેટા
- ૧ ડુંગળી(જીણું કટિંગ કરેલ)
- ૪ કળી લસણની
- ૧ ઇંચ જેટલું આદુ
- ૧ બીટ
- ૩ આંબળા(ઠળિયા કાઢી નાખવા)
- ૨ ગાજર
- ૧/૨ બટેટુ
- ૧ ચમચી લીંબુનો રસ
- સ્વાદ મુજબનું નમક
- ૧ ચમચી ખાંડ
- ૧ ચમચી તીખાનો પાઉડર
- ૧ સ્લાઈસ બટર
- ૧ તજપતું
- ૧/૨ લીટર પાણી
- પ્રેશરકૂકર
- અડધી ચમચી ગરમ મસાલો
સામગ્રીનું લીસ્ટ જોયા પછી સૂપને બનાવવાની ટેકનીક પણ જોઈ લઈએ. સાવ સરળ રીતે છે જેનાથી ઘરે જ ટેસ્ટી સૂપ બનાવી શકાય છે.
- ટમેટાને ધોઈને નાના કટકા કરી નાખો.
- દરેક પ્રકારની શાકભાજીને નાના ટુકડામાં કાપી લો.
- મોટાભાગના લોકો ટમેટાનું સૂપ બનાવવા ખુલ્લા વાસણનો ઉપયોગ કરે છે. પરંતુ વધુ સ્વાદિષ્ટ સૂપ બનાવવા પ્રેશરકૂકરનો ઉપયોગ કરવો જોઈએ.
- આવું કરવાથી બધી શાકભાજી સારી રીતે ગળી જાય છે. ઉપરાંત વરાળનું પાણી છૂટે નહીં.
- ધીમા ગેસની જ્વાળાએ કૂકરને ગરમ કરો. તેમાં બટરને ગરમ કરો.
- બટર ઓગળે કે તરત જ તજપતા, ડુંગળી, ગાજર, આદુ નાખીને ૨-૩ મિનીટ સુધી પકાવો.
પછી કૂકરમાં આંબળા અને બટેટાનો છૂંદો નાખો. તેને ૨-૩ મિનીટ સુધી પાકવા દો.
ત્યારબાદ વારી આવશે ટમેટાને ઉમેરવાની.
- ઉપરથી જોઈતા સ્વાદ મુજબનું નમક અને ગરમ મસાલો ઉમેરો.
- પાંચ મિનીટ સુધી ચૂલો ચાલુ રાખીને બધા મિશ્રણને બરાબર પકાવો અને બધું ગળી જાય ત્યાં સુધી રાહ જોવો.
- જેવું અહીં સુધીનું કામ બરાબર થઇ જાય ત્યારબાદ તેમાં પાણી નાખીને કૂકરના ઢાંકણને બંધ કરી દો.
- પાંચ-૬ સીટી વાગે ત્યાં સુધી મીડીયમ ગેસની જ્યાળા રાખો.
- સીટી વાગી જાય પછી ગેસ બંધ કરી દેવો અને કૂકરમાંના પ્રેશરને બહાર નીકળી જવા દો.
- કૂકર ખોલીને ૧૫ મિનીટ સુધી શાકભાજી ઠંડુ થવા દો.
- ઠંડા થઇ ગયેલ શાકભાજીને મિક્સચરમાં નાખીને ફેરવી લો. ત્યારબાદ પ્રેશરકૂકરને ધોઈને ફરીથી ગેસ પર મુકો.
- સૂપને કૂકરમાં ઉમેરો. પણ ગાળીને ઉમેરો જેનાથી ટમેટાના બી બહાર નીકળી જાય.
- ત્યારબાદ તેમાં તીખાનો પાઉડર, ખાંડ, લીંબુનો રસ ભેળવીને સારી રીતે મિશ્ર કરો.
- એક ઉભરો આવ્યા બાદ કૂકરને ગેસ પરથી ઉતારી લો.
- બાઉલમાં કાઢી લીધા બાદ તેના પર થોડું ચીજ ઉપરથી ઉમેરી શકાય છે.
તૈયાર છે સ્વાદિષ્ટ સૂપ. જેનો સ્વાદ રેસ્ટોરન્ટમાં મળતા ટમેટાના સૂપ કરતા પણ મજેદાર હશે. આમ, ઘરે જ બનાવેલા ટમેટાના સૂપથી ઘરના સભ્યોને ચકિત કરી શકાય છે. ગૃહિણી જો આ પ્રકારના સૂપને બનાવીને ઘરના સભ્યોને ટેસ્ટ કરાવે તો આખું ઘર આંગળા ચાટતું રહી જશે.
નોંધ : આ લખાણ ની કોપી કરતા પહેલા અમારી લેખિત મંજુરી લેવી જરૂરી છે.
Author : Ravi Gohel